الشيخ أحمد زكى بدر والتعليم
عمنا الشيخ متخيل أنة هيظبط العلم والتعليم ودوار العلم فى يوم وليلة وأنا أقوللة أبقا قابلنى علشان البيبوظ فى البلد دية مش بينصلح تانى ياعم الشيخ .العيال غايبة وخايبة من أول تانى يوم ومن شهر بعتوا لنا خطابات بريدية مشابهة لخطابات أسامة إلى أوباما تقول أننا ننذركم ونحذركم أن الطالب ( ) تغيب عن المدرسة لمدة تسعة أيام بدون عذر ؟؟؟ وهذا للعلم , أنا قلت المفروض حتى يكتبوا تسعتاشر يوم علشان يخضونا كدة وكدة وخصوصأ الغياب تعسة أشهر مش تسعة أيام ؟؟؟ طبعأ علشان نسبك المرسحية التعليمية مع المدرسة ومع الشيخ بدر قلنا للعيال روحوا يومان جس نبض وبلغونا بالنتيجة , العيال بتوع الجوبات , على فكرة كل العيال كان معاهم الجواب بتاع التسع أيام , ذهبوا المدرسة عادى ومش مخضوضين زى مايكونوا فاهمين أحوال الدنيا وتصرفات الحكومة أكتر منينا ؟؟؟ لما البهوات أقصد التلاميذ الفشلة رجعوا سألهم الآباء الغلابة ... عملتوا أية فى المفشخة قالو عادى أخذنا الغياب والحصة الأولنية ونزلنا الفشخة ولعبنا ماتش كورة مع المدرسين وبعدين طلعنا الفصول وأخذنا الشنط وجينا البيت ؟؟؟ طبعأ قلنا حرام البهدلة دية والعيال كدة هاتبوظ أكتر وأكتر ... كفاية يوم أو يومان كل أسبوع لاغاية مانشوف الوضع بعد يومين العيال راحت المجيصة ولقيت لعب الكورة شغال مية مية ؟؟؟ قلنا نحن الآباء الغلبنين كفاية مسخرة العيال تقعد فى البيت تذاكر واجبات الدروس المتخصخصة ومش مهم متشات الكورة المدرسية نأجلها فى الأجازة الكبيرة !!!
بعد شهر يعنى كدة بعد شم الكاكا بيوم واحد المهجصة أتصلت هاتوا العيال !!! العيال قاللونا نعمل أية .... بردة قلنا نكمل لبونة وعلوئية ونبعت العيال المدرسة ونجس بطنهم مرة تانية وأمرنا لله !!! راحوا المدرسة والبيحصل كل مرة حصل بس العيال حبوا يخدوا زيتكار من المدرسين فأثناء فشخة صدر مع المدرس الذى كان عايز يطلع أحسن واحد فى المسرحية وتحمس ودنيتة يوبخهم بطريقتة وهى يولاد الكلب , ياخولات مش عايزين غياب لايموها الأسبوعين دول , خلوها تعدى على خير.... و ... و ... !!! قامت العيال فشخت الموبيلات وأخذتلة فيديو شتيمة مية مية ؟؟؟ عيال ولاد كلب فعلأ ومسكتوش بل كملوا المسرحية ولما نزلوا الحوش علشان يكملوا ماتش الكورة أخذوا كمان فيديو زيتكار تانى للماتش !!! يابنى ياحبيبى يانور عينى أنت عملت كدة .... لا..... مُش أنى ... أمال مين الفاعل قال واحد زملنا عمل الفيديو ثم نولناة لبعض بالبلوتوث ؟؟؟ لو حصل نصيب وشوفت الزيتكار هبقى أرسلة بردة بالبلوتوث ؟؟؟ عن أذن سيادتكم أنا رايح أشوف مولد الشيخ بدر أصدى الفيديو ؟؟؟ على فكرة مدارس عبد اللطيف حسنين وعبد الله فكرى بتاعة زمان وبتاعة لم ينجح أحد طلعت أحسن من مدارس الأيام السودة دة ؟؟؟ والله مش عارف لما حموزة يروح المدرسة كمان تلت أربع سنين هيعمل أية ؟؟؟
ليست هناك تعليقات:
إرسال تعليق