العبقرى بل جيتس
المدونات
بصراحة الواحد عمال يجرى وراء المدونات بطريقة سريعة وغير متنظمة خالص ومش عارف يستقر حتى الأن ومش عارف أخرتها أية , يارب علشان الواحد محروم من التعبير وماصدق يلاقى شباك مفتوح يرمى من خلاله همومة وآرائة أو يشاهد منة صندوق الدنيا بتاع زمان ولا دية موضة أو مرض العرص أقصد العصر . مدونات بالهبل وفيها آراء رائعة أجتماعية أو سياسية بحتة وبتتكلم عن حاجات غريبة ومثيرة وبها مواضيع شيقة فى كل مجالات الحياة اليومية وأخبار مدونين مشاهير وأخبار أمنية مثل أختراق الفاس بووووووك اليوم الفلانى وحذف تعليقات خاصة بالمقبوض عليهم اليوم العلانى والقبض على بعض المدونين وأعتبار أن إيلاف موقع منحاز وغير آمن والتحول من الفاس بووووك إلى تويتر لأسباب مش عارف لسة هى أمنية أو موضة وصداع المدونات التى أنتشرت وكثرت بطريقة مخيفة تاعب الحكومة خالص وبصراحة لو أنا الحكومة لكنت أتجننت من عدد المدونات ومن عدد المواضيع الخطيرة التى تطرح فيها ولكنى أعتقد أن هذا هو الأتجاة الصحيح للحياة اليوم فى ظل عدم التفرغ وعدم وجود وقت للكتاب وغلائة وعدم وجود جرائد فى أم القرى ولو وجدت كل مواضيعها مكررة وغير واضحة وغير صريحة والأهم هو سهولة النت وسهولة البحث والتدوير والتنقيب فى مولد عمك الشيخ بل جيتس .
منال بتقول سرتن سرتن فى أى مكان صحرا إن كان أو بستان وعلاء بيتكلم عن حقوق الأنسان ووائل عباس بيتكلم فى السياسة بجرأة رهيبة تشعر بعدها أنك جبان درجة أولى أو أكبر جبان فى العالم وأبو لهب بيخرف فى الدين بطريقة تخليك ملحد كبير وموقع وفاء سلطان والدكتور كامل النجار من أكبر المواقع الإلحادية والدكتور بتاع أهل القرآن عايز يلغى السنة ولة كلام سعات تشعر أنة مقبول وسعات تحس أنك بتسمع واحد مجنون والأخوة الأقباط المتعصبين ومواقعهم الخطيرة والتى تصل إلى حد السفالة كوم ومواقع أنصار سيدنا على أبن أبى طالب كوم تانى , تحس من كلام الأخوة بتوع الشيعة أن سيدنا على لسة مقتول من تلتاشر يوم فقط ودمة لسة مبردش وأن معاوية لسة عايش وهما عايزين يقطعوة ويخدوا الخلافة دلوقتى أهوة ياجماعة الموضوع أنتهى من زمان !!! مش مصدقين أن الحرب على الخلافة خلصت ومعدتش هاتتكرر تانى !!!
المهم علشان أخلص من الكلمتين ال عاوز أقولهم بعد شوية أنت وأمكانياتك العصبية وقدرتك على التحمل والتحصين تشعر أنك عايز تروح البحيرة وتجلس فى الترب وتستنى دورك وتقرأ الفاتحة على روح أمك وأبوك أو تترك الشغل وتروح الغيط وتقعد مع الرجالة وهما بيعزقوا وبيشتغلوا حتى ترجع مرة أخرى إلى الفطرة الطبيعية أو عايز تجلس أمام الشاشة طوال اليوم تقرأ هذا الكلام حتى تصبح عنيك أحمر من طيظ القرد أو تصاب بنوبات من عدم النوم أو النوم المتقطع ليالى طويلة أو تغلق الجهاز وتطنش وبعدين يزن تانى عليك مخك وتدخل تانى إلى شبكة النت وهكذا ؟؟؟؟
ليست هناك تعليقات:
إرسال تعليق