الـــــــــــربيـــــــــــــع
كلمات مأمون الشناوي
تلحين و غناء فريد الأطرش
ادى الربيع عاد من تانى و البدر هلت انواره
و فين حبيبى اللى رمانى من جنه الحب لناره
ايام رضاه يازمانى هاتها وخد عسرى
اللى رعيته رمانى فاتنى وشغل فكرى
كان النسيم غنوه النيل بغنيها
وميته الحلوه تفضل تعيد فيها
و موجه الهادى كان عوده و نور البدر اوتاره
يلاغى الورد و خدوده يناجى الليل و اسراره
و انغامه تسكرنا انا و هو مفيش غيرنا
لمين بتضحك ياصيف لياليك و ايامك
كان لى فى عهدك اليف عاهدنى قدامك
كان لى فى قلبك طيف يخطر فى احلامك
من يوم ما فاتتنى وراح
شدو البلابل نواح
والورد لون الجراح
جه الخريف بعده دبل زهور الغرام
و الدنيا من بعده هوان و يأس و الام
لا القلب ينسى هواه و لاحبيبى بيرحمنى
و كل ما اقول اه يزيد فى ظلمه و يهملنى
و ادى الشتا بطول ليليه ع الى فاته حبيبه
ياليل يا بدر يا نسمه يا طير يا زهر يا اغصان
هاتوا للحبيب كلمه تواسى العاشق الحيران
اخذ ورد الهوى منى و فات لى شوكه يألمنى
ما اعرفش ايه ذنبى غير انى فى حبى
اخلصت من قلبى
و غاب عنى لا كلمنى و لا قال امتى راح اشوفه
و اقول يمكن يرحمنى و يبعت فى الربيع طيفه
و ادى الربيع عاد من تانى و البدر هلت انواره
و فين حبيبى اللى رمانى من جنه الحب
لناره
لناره
كم أعشق هذة الأغنية فى مثل هذة الفترة من كل عام
ردحذفمبروك المدونه يا دكتور ونتمنى ان تستمر مشاركاتك
ردحذفشكرأ لأبناء بندف والمشكلة فى خط نت أتفقت علية ولم يأتى حتى الأن !!!
ردحذف