الحضـــانة وأسعارها

خد عندك بعض المعلومات ::-
 حضانة مدارس الأوائل ( مصاريف العام الماضى ) ::-

المصاريف 2995 جنية ...
الميكروباس 1050 جنية ...
المجموع = 4045 جنية بخلاف المصاريف المتوقعة للعام الجديد ...

حضانة مدارس الشريف ( مصاريف العام الماضى ) ::-
المصاريف = 2850 جنية ...
الميكروباس = 1000 جنية ...
المجموع = 3850 جنية بخلاف الزيادة المتوقعة للعام الجديد ...
حضانة مدارس على زكى ( غالبأ هذة مصاريف العام الجديد ) ::-

المصاريف = 3700 جنية .
الميكروباس = 1400 جنية .
المجموع = 5100 جنية ( تقريبأ هى المصاريف الجديدة ) ...
حضانة مدارس الفؤاد ::-

للأحراج وعدم الأهانة لم أسأل ولكنها سوف تزيد عنهم كلهم ....
حضانة الشبان المسلمين ::-
المصاريف = 650 جنية تقريبا .
الميكروباس = 1000 جنية .
المجموع = 1650 جنية .
المستوى التربوى ومستوى الأنشطة والألعاب :-
لا يفرق شيئأ على حضانة بندف التى رأيتها بأم عينى فى جمعية تنمية المجتمع بل أستطيع أن أقرر أن حضانة الجمعية أفضل من حضانة الشبان المسلمين ولا تقل كثيرأ عن على زكى أو الأوائل أو الشريف أو أحمد فؤاد إلا فى حمام سباحة مافيش حد بينزل فية غير مرة أو مرتان فى السنة وممكن أن يكون مغلق طوال العام وفرق آخر شوية ديكور فى الحوش و بعض المبانى مصممة على الطراز الغربى .
السؤال :-

1- هل الطفل فى أولى حضانة أو مايطلق علية بلغة الكفار حسب تقرير السلفية كى جى وان يتكلف حوالى 3000 جنية بخلاف سعر الميكروباس كل دة علشان يتعلم ألف باء وينط ويفط على الزحاليق ؟؟
2- بالنسبة للمدارس الخاصة التى تحت رقابة وزارة التربية والتعليم هل الحكومة والوزارة عندها علم بهذة الأسعار ؟؟
3- هل وزارة الشئون الأجتماعية عندها علم بهذة الأسعار ؟؟
الأجابة :-
سرقة ونصب وأحتيال ونهب أموال المصريين وسكهم على قفاهم وتحولهم إلى أكبر طنابير .
الملاحظة :-
كثيرأ من الأهالى تجنوا على الجمعية وهم لا يدركون الحقيقة !!! يعنى بصراحة وأختصار وبدون مدح لجمعية تنمية المجتمع ولا للأستاذ السيد أبو سليم ... الجمعية وما بها من حضانة شىء مشرف لابد أن نفتخر بة ونصونة ونحافظ علية وندعمة ونقوية مهما كان بة من سلبيات فى وجهة نظر البعض !!! ... اللى مش مصدق يسأل أو يجى يأخذ التليفونات والعناوين منى ويسأل !!! .

النصيحة :-

1- كل أب مخلف جديد يبدأ يحوش علشان الجنية بعدما أنتصر فى حربة على الكرنية وأنتصر أيضا فى حربة مع الشرفاء أصبح صعب المنال بعدما تسوح أو تعوم للحرامية فقط ؟؟ وبالتالى ممكن تجد الحضانات كمان خمس سنوات أصبحت مصاريفها 10 ألاف جنية سنويأ .

2- المطرطرين أو المتكحرتين ( تعبيران يعنيان الغلابة ) اللى عايزين يتزوجوا يوفروا الذهب والشبكة والنيش ومعظم الأشياء التافهة علشان يقدروا يربوا العيال ويصرفوا عليهم وإلا سوف يُجبروا على تقبل أوضاع شينــــة وغير مفهومة .
3- أحمدوا ربنا على وجود هذة الأشياء فى بندف وبأجر بسيط جدأ .
4- سرعة التفكير فى إنشاء فصول أو مدرسة ثانوية فى بندف .

الختام :-

شتيمة وأباحة بلاش منهم ؟؟؟ بس مش هاين علي ماشتمش لأنة الجنان بعينة هـــى الوزارات المعنية ماعندهاش دم ؟؟؟